Жомарт түлекпен кездесу

Жамбыл облысында осы өңірден шығып, бүгінде түрлі салада жетістікке жеткен танымал түлектерді жастарға таныту және үлгі ету мақсатында «Жомарт түлек» жобасы қолға алынған болатын. Облыс әкімі Бердібек Сапарбаевтың бастамасымен қолға алынған аталған жоба қазіргі кезде аймақтың барлық ауданында іске асырылу үстінде. 
Жамбыл ауданы, Ерназар ауылы, Байгелді Кейкиев атындағы орта мектебінің түлегі-облыс прокурорының аға көмекшісі, ішкі мониторинг тобының басшысы Әбдіқұлов Сержан Мырзаханұлы; ҚРСЖ және РАҰСБЖ облыстық статистика департаментінің жамбыл ауданының бас маманы Боранбаева Ләззат аталған жоба аясында кездесуге келді. Тәуелсіздігіміздің 30 жылдығымен тұспа-тұс келіп тұрған кездесуде мектебіміздің "Адал ұрпақ" ұйымы оқушылары  өз сұрақтарын қойып, қонақтардың жылы лебіздерін тыңдады.Мектеп директор Тулегенова Сағира Меңдіханқызы қонақтардың кеудесіне "Жомарт түлек" лентасын тақты. Түлектеріміз лента таққанда мектеп кездері естеріне түсіп, толқығандарын да жасырмады. Кездесу соңы мектебіміздің жас ақыны Бейсенбек Кәусардың "Республикам менің" арнауымен қорытындыланды